Siglir tar il cuntegn
Inhalt

Naziunal/Internaziunal Zenhäusern fa puspè surstar

Ramon Zenhäusern sa plazzescha per l'emprima giada sin il podest tar in slalom da la cuppa mundiala. El fa suenter Marcel Hirscher e Henrik Kristoffersen il meglier temp a Kranjska Gora.

Ramon Zenhäusern.
Legenda: Er a Kranjska Gora fa Ramon Zenhäusern puspè surstar. Keystone

Er a Kranjska Gora dominescha l'Austriac Marcel Hirscher la cursa. Il segund plaz va a la Norvegia cun Henrik Kristoffersen e Ramon Zenhäusern fa surstar cun il terz plaz. Quai è sia emprim plaz da podest tar in slalom da la cuppa mundiala.

Hirscher gudogna cun ses resultat a Kranjska Gora definitiv tant la rucla da cristagl pitschna per la disciplina slalom sco era il classament general da la cuppa mundiala.

Surpraisas svizras

Briglià han er Marc Rochat, ch'ha fatg il 6avel plaz ed il Grischun Sandro Simonet, ch'ha fatg il 8avel plaz. Per ils dus skiunz svizzers èn quai lur meglras classificaziuns. Suenter l'emprim percurs era Marc Rochat anc sin plaz 13 e Sandro Simonet sin plaz 24.

Ulteriurs Svizzers:

  • 15avel Loïc Meillard
  • 23avel Luca Aerni

RR novitads 12:00