Siglir tar il cuntegn

Header

cuntegn

Naziunal/Internaziunal Zenhäusern manchenta be per pauc il podest

En la cursa da slalom a Levi en la Finlandia daventa il Svizzer Ramon Zenhäusern quart. Marcel Hirscher gudogna la cursa avant Henrik Kristoffersen ed André Myhrer.

Il podest:

  1. Marcel Hirscher, Austria 1:51.04
  2. Henrik Kristoffersen, Norvegia + 0.09
  3. André Myhrer, Svezia + 1.41

L'Austriac Marcel Hirscher è il victur da l'emprim slalom da la stagiun da la cuppa mundiala. A Levi ha Hirscher gudagnà cun in avantatg da 9 tschientavels sin il Norvegiais Henrik Kristoffersen. Gia var 1,4 secundas enavos è il Svedais André Myhrer vegnì sin plaz 3.

Ils Svizzers

  • 4. Ramon Zenhäusern + 1.45
  • 6. Daniel Yule + 1.57
  • 11. Tanguy Nef + 1.83
  • 14. Loic Meillard + 2.11
  • 16. Luca Aerni + 2.31

Ils Svizzers han cumenzà bain la stagiun: Ramon Zenhäusern e Daniel Yule èn vegnids sin ils buns plazs 4 e 6. Be per 0.04 secundas ha Zenhäusern manchentà in plaz sin il podest. Ed en si'emprima cursa da la cuppa mundiala è il Genevrin Tanguy Nef daventà 11avel.

Il proxim termin en il chalender da skis è la cursa rapida da proxima sonda a Lake Louis, nua che er Beat Feuz vegn ad esser da la partida.

RR novitads 15:00

Artitgels legids il pli savens