Il Svedais Oskar Kardin ha absolvà il traject da La Diagonela en in temp da 2 uras e 43 minuts. Tar las dunnas ha Jenny Larsson cumbattì sco meglier’atleta cunter las fradaglias da l’Engiadin’Ota.
Team BSV Ibex
Cun il team BSV Ibex è er stà in team indigen a la partenza da la cursa da passlung sur 65 kilometers en il stil classic. Andri Schlittler da Favugn ha absolvà sco 55avel la cursa sco meglier atlet da quella squadra. Tar las dunnas è Jogscha Abderhalden da Zernez vegnida 24 avla.
Temperaturas fraidas
Causa las temperaturas fraidas, da passa -20 grads han intginas sportistas e sportists stuì rumper giu la cursa. Tranter auter èn quai Katerina Paul e Lauro Braendli dal team BSV Ibex.