Ils quitads pervi da giugaders blessads vegnan adina pli gronds tar la squadra naziunala svizra da ballape: Suenter Xhaka, Severovic, Embolo, Elvedi, Fassnacht e Kobel na stettia uss er Steven Zuber betg a disposiziun per las ultimas duas partidas da qualificaziun per il campiunadi mundial. Quai ha communitgà l'Associaziun svizra da ballape. Zuber – che dat il mument en Grezia tar il club AEK Athen – saja sa blessà vi da la coissa. La Svizra frunta venderdi sin l’Italia e lura il glindesdi sin la Bulgaria. Uschia mancan per quels dus gieus trais dals tschintg giugader che han sajettà sis gols en ils gieus cunter l'Irlanda dal nord e la Lituania.
Er a l'Italia na stattan betg tut ils giugaders a disposiziun
Ils dus giugaders da l'AS Roma, Nicolo Zaniolo e Lorenzo Pellegrini hajan bandunà il champ da trenament il glindesdi. Era betg cler è sche Nicolo Barella da Inter Mailand po dar il proxim gieu. El è sa blessà vi da la coissa la dumengia durant il derbi da Milano.
