Tar ils proxims gieus da ballape en la Nations League da las dunnas returnan quatter giugadras. La pli prominenta da quellas è Ana-Maria Tsirnogortschevitsch, che n'era betg stada nominada per ils gieus en il settember. Plinavant turnan Svenja Fölmli, Julia Stierli e Viola Calligaris, ch'èn stadas blessadas.
Nov en il cader è Noemi Benz che remplazza Laura Schneider sco golie. Suletta Grischuna en il cader è Livia Peng da Domat. La Svizra dat ils 27 d'october ordaifer encunter la Svezia ed ils 31 a chasa encunter la Spagna.