Las ballapedistas svizras han survegnì lur gruppa per la qualificaziun dal campiunadi mundial 2023 en l'Australia e la Nova Zelanda. La sort a purtà las suandantas adversarias a l'equipa naziunala da Nils Nielsen: las Talianas, las Rumenas, las Croatas, e las dunnas da la Moldavia e da la Lituania. Questa gruppa saja da dumangar, ha la defensura Noelle Maritz manegià. La finamira stoppia esser da terminar la fasa da gruppa sco emprimas.
Sulet las victuras da las 9 gruppas sa qualifitgeschan directamain per il campiunadi mundial. Per ils trais plazs restants vai en playoffs ed en in turnier intercontinental.
audio
Per tadlar: Las novitads da las 17:00
ord RTR Audio dals 30.04.2021.
laschar ir. Durada: 6 minutas 16 Secundas.