Il podest
- 1. Petra Vlhova (SVK) 1:46,19
- 2. Mikaela Shiffrin (USA) +0,31
- 3. Lena Dürr (GER) +0,84
Petra Vlhova ha gudagnà l'emprim slalom da la stagiun. Suenter sias duas victorias da la davosa stagiun ha la skiunza slovaca, che manava gia suenter l'emprim percurs, gudagnà a Levi en la Finnlanda. Quai avant l'Americana Mikaela Schiffrin e la Tudestga Lena Dürr.
Las Svizras
- 7. Wendy Holdener +1,50
- 8. Michelle Gisin +1,63
Wendy Holdener ha mussà, suenter ina pausa chaschunada tras blessuras, ina ferma cursa. Ad ella èn gartegiads dus percurs offensivs. Er Michelle Gisin ha stuì far ina pausa da trenament, dentant ha ella pudì sa plazzar gist davos Holdener.
Las ulteriuras Svizras n'han betg dumagnà il pass en il segund percurs.
