Ugolkova manchenta il mezfinal sur 100 m delfin
Maria Ugolkova è vegnida 6avla en sia cursa cun in temp da 58,22 secundas. Malgrà ses nov record svizzer na tanscha quai temp betg per vegnir tranter las meglras 16 nudadras. Il meglier temp en la qualificaziun fan l'Australiana Emma McKeon e la Chinaisa Zhang Yufei cun 55,82 secundas.
Djakovic cun nov record svizzer
Er Antonio Djakovic manchenta be per pauc il final sur 400 m crawl. Cun ses temp da 3:45,82 minuta ha Djakovic nudà in nov record svizzer vegn dentant be 9avel. Il meglier temp ha fatg il Tudestg Henning Bennet Muhlleitner cun 3:43,67 minutas.
Desplanches cun proxim record svizzer
En la concurrenza sur 100 m nudar a rauna realisescha Jérémy Desplanches cun 1:00,29 minutas plazza in en ses percurs ed in nov record svizzer. Tuttina na tanscha quai betg per il mezfinal. Il meglier temp ha realisà il Brit Adam Peaty cun 57,56 secundas.