Swiss Olympic vul vinavant sclauder sportistas e sportists da la Russia e dal Belarus d’occurrenzas internaziunalas. En ina communicaziun ha il comité executiv da Swiss Olympic rinforzà sia posiziun da fin qua en chaussa. En pli pretenda el che funcziunaris russ e belaruss na dastgian betg far part da gremis internaziunals.
IOC recumonda da puspè laschar far part atletas russas e belarussas
Mardi ha il Comité olimpic internaziunal IOC recumandà a las federaziuns naziunalas da puspè laschar far part sportistas e sportists dals dus pajais sut bandiera neutrala. Quai duai dentant mo valair, sch'els n'han betg ina colliaziun tar il militar u tar organs da segirtad dals dus pajais.
Questa recumondaziun a las federaziuns naziunalas ha il Comité olimpic internaziunal IOC, sut la direcziunda Thomas Bach, fatg a sia dieta a Losanna. Schebain la Russia ed il Belarus dastgan trametter delegaziuns als gieus olimpics dal 2024 a Paris u il 2026 a Milano/Cortina vul l'IOC decider pli tard.
