Ils gieus olimpics a Tokyo, ch'èn vegnids spustads pervi da la pandemia dal 2020 sin il 2021, duain vegnir realisads sco planisà. Uschia èn sa cunvegnids il schef dal comité olimpic internaziunal Thomas Bach ed il primminister giapunais Yoshihide Suga. Suga vul realisar ils gieus sco cumprova che l'umanitad haja dumagnà il virus.
Realisar gieus segirs
L'IOC vegnia a sa stentar da segirar ch'atletas ed atlets vegnian vaccinads cunter il virus, prendì il cas ch'i dettia fin lura in vaccin. Els sajan sa decidì entir ed entratg da realisar ils gieus uschia ch'els daventian in grond success. Ensemen possian ins realisar quests gieus olimpics che la flomma olimpica saja la glisch a la fin dal tunnel. Ins saja perina da vulair lavurar ensemen cun la mira da realisar gieus segirs.