Siglir tar il cuntegn

Header

cuntegn

Otgavelfinals a Cincinnati Teichmann fa surpraisa cun batter Osaka

Jil Teichmann ha gudagnà la partida da l'otgavelfinal al turnier da tennis a Cincinnati cunter la Giapunaisa Naomi Osaka. La Svizra ha mussà blera morala cunter il numer 2 dal mund, suenter ch'ella aveva pers l'emprim set. La finala ha Teichmann battì Osaka cun 3:6, 6:3 e 6:3. Durant l'intervista direct suenter la partida, ha Teichmann discurrì da la pli gronda victoria da sia carriera.

video
Teichmann: «Sun fitg cuntenta che tut vegn plaunsieu puspè»
Or da Sport-Clip dals 20.08.2021.
laschar ir

Cun Belinda Bencic è ina segunda Svizra ina runda vinavant. Ella ha profità d'in forfait da sia adversaria, la Tschecha Karolina Muchova. Bencic menava cun 7:5 e 2:1 – cura che Muchova ha stuì dar si.

Uschia vegni en ils quartfinals a Cincinnati tar in duell svizzer tranter Jil Teichmann e Belinda Bencic. Ed ina da las duas Svizras arriva cunquai segiramain en ils mezfinals.

RTR novitads 07:00

Artitgels legids il pli savens

Scrollar a sanestra Scrollar a dretga