Paris Saint-Germain cunter il victur da record Real Madrid – la segunda extracziun dals otgavelfinals per la Champions Leage a Nyon ha purtà intginas partidas attractivas. Tranter auter frunta il FC Liverpool sin Inter Milan ed Atlético Madrid sin Manchester United. Salzburg, cun ils dus Svizzers Noah Okafor e Philipp Köhn, giogan cunter Bayern München. Il defensur dal titel Chelsea tutga sin il campiun franzos Lille.
Salzburg | Bayern München |
Benfica Lissabon | Ajax Amsterdam |
Chelsea | LOSC Lille |
Atletico Madrid | Manchester United |
FC Villareal | Juventus Turin |
Sporting Lissabon | Manchester City |
Inter Milan | Liverpool |
Real Madrid | Paris Saint-Germain |
La UEFA aveva stuì repeter il trair la sort pervia dad in sbagl a l'entschatta da la procedura - pliras equipas avevan purtà plant. Il motiv per il sbagl è tenor communicaziun uffiziala in problem tecnic.
Ils gieus d'otgavelsfinals han lieu ils 15, 16, 22 e 23 da favrer. Ils gieus da return èn ils 8, 9, 15 e 16 da mars.
Resultats da l'Europa League èn fixads
Tar la procedura per l'Europa League è però tut stà ok. Tranter auter frunta Dortmund, cun Akanji, Hitz e Sommer, sin ils Glasgow Rangers da la Scozia. RB Leipzig gioga entant cunter il club spagnol Real Sociedad.
La top partida vegn però ad esser il duel tranter ils Talians da Napoli ed il FC Barcelona. L'emprima partida ha lieu ils 17 da favrer, il gieu da return ils 24 da favrer. Il victur cuntanscha l'otgavelfinal.