80 paginas, 670 tatgaders e tranter quels 50 exemplars spezials – Quai datti en il nov album per il campiunadi mundial a Katar.
In pac paninis custa enturn 1,10 francs ed ha en tschintg tatgaders. Per pudair emplenir l'album – sch'i n'ha nagina dubletta – èsi d'investir radund 150 francs.
In che rimna gia dapi passa 20 onns quels Paninis è Livio Janka da Trun. El ha nizzegià la chaschun e cumprà gist duas stgatlas dals tatgaders. Sch'i avess d'avair memia bleras dublettas sa el nua ch'ins po midar lezzas cunter novs tatgaders.
Nov producent da tatgaders per l'Euro
Per l'Euro 2024 en Germania datti dentant ina midada: La firma Topps dals Stadis Unids da l'America ha numnadamain survegnì ils dretgs da producir ils tatgaders per il campiunadi europeic, quai er per il 2028. Sch'i vegn er a dar ina midada per il campiunadi mundial vegn a sa mussar.
