Manuela Schär ha gudagnà sia segunda medaglia als paralimpics a Tokio. Suenter argient sur 5'000 meters ha la sportista en sutga cun rodas da Lucerna gudagnà la medaglia d'aur sur 800 meters en la categoria T54. Suenter la partenza è Manuela Schär stada a la testa ed ha suenter controlla la cursa. Sulettamain l'Americana Tatyana McFaddon ha pudì tegnair pitg a Schär. Er la medaglia da bronz è ida ad ina Americana - a Susannah Scaroni. Igl è stà l'emprima medaglia dad aur per Schär als Paralimpics.
En la categoria T53 ha Catherine Debrunner gudagnà bronz sur 800 meters, argient ha ella manchentà per 24 tschient-avels – per Debrunner èsi l'emprima medaglia a paralimpics insumma.