Manuela Schär ha procurà per l’emprima medaglia per la Svizra als paralimpics a Tokio. La sportista en sutga cun rodas ha gudagnà la medaglia d’argient sur ils 5'000 meters. Schär ha pers radund 8 secundas sin la victura, l’Americana Susannah Scaroni. Bronz va medemamain en ils Stadis Unids, numnadamain a Tatyana McFadden.
Manuela Schär ha 36 onns ed è gia pliras giadas vegnida campiunessa mundiala ed europeica.