Stan Wawrinka ha cuntanschì il quartfinal dal turnier dad ATP-1000 a Paris-Bercy. Il Svizzer ha gudagnà cunter il Russ Andrej Rublew en trais sets cun 1:6, 6:4 e 6:3.
En la proxima runda frunta Stan Wawrinka sin il Tudestg Alexander Zverev. En las trais partidas ch'ils dus han gì è fin uss mintga giada il Tudestg ì sco victur dal plaz. L'ultima giada è quai stà il cas il schaner passa al Australian Open.
