Siglir tar il cuntegn

Header

audio
Regiuvinaziun durant pandemia
Or da Actualitad dals 17.09.2021.
laschar ir. Durada: 03:25 minutas.
cuntegn

Partenza en nova stagiun EHC San Murezzan è vegnì pli giuven

Il schef da sport dal EHC San Murezzan ha nizzegià la pausa sfurzada da corona per regiuvinar l’equipa. Sper ils giuvens che han fatg il pass en l’emprima equipa èn era in pèr rutinads puspè enavos en Engiadina.

Per las equipas da hockey regiunalas èsi mintg’onn da nov puspè ina gronda sfida. Avair avunda giuvens giugaders che san remplazzar quels pli vegls che termineschan lur carrieras activas. Perquai ch'il dumber da giuvens giugaders da hockey en las vals n'è betg uschè grond, èsi adina grev da metter ensemen ina equipa cumpetitiva.

Pausa sfurzada ha dà temp

La stagiun passada era ina per emblidar. En las ligas pli bassas han las equipas mo dà in pèr paucas partidas. L’atun è la stagiun l’emprim vegnida interrutta e suenter perfin stritgada dal tut. La pausa ha dà temp ad inqual equipa da purtar ils agens juniors sin il nivel da l’emprima equipa. Per il mument ha il EHC San Murezzan avunda giugaders giuvens che vegnan suenter. Perquai è quai stà l’ultim onn pli simpel dad avair giuvens ch'han la qualitad per far quest pass. En cumbinaziun cun giugaders che turnan en l'Engiadina ha San Murezzan actualmain ina da las pli fermas equipas dals ultims onns.

audio
Schef da sport EHC San Murezzan Andri Casty
03:25 min, Actualitad dals 17.09.2021.
laschar ir. Durada: 03:25 minutas.

Mussar la classa sin il glatsch

L'equipa giuvna dal EHC San Murezzan vul mussar sia classa ed uschia propi far emblidar las paucas partidas da la davosa stagiun. Lura aveva San Murezzan fadia. Uss duess quai dentant esser passà e la squadra avisescha puspè ils playoff. Cun ina equipa fitg giuvna, cun in nov trenader e cun inqual giugader che ha era gia dà en ligas pli autas.

RTR actualitad 07:00

Artitgels legids il pli savens

Scrollar a sanestra Scrollar a dretga