Siglir tar il cuntegn

Header

cuntegn

Partenza tar la cursa da chasa La Diagonela è la cursa da chasa dad Arnaud Du Pasquier

Mo in curridur indigen fa part a la seria da cursas da la Visma Ski Classics. Arnaud Du Pasquier da Puntraschigna è l’unic che er da la partida tar la Diagonela. Ina cursa da 55 km en stil classic cun partenza a Puntraschigna ed arriv a Zuoz.

Pervia da la passiun passlung è Arnaud Du Pasquier vegnì en Engiadina. Sia famiglia deriva da Losanna. Pervia dal passlung ha la famiglia Du Pasquier dentant fatg midada da la Svizra franzosa en il Grischun. Qua ha Arnaud Du Pasquier cumenzà da trenar pli intensiv passlung, ed en Engiadina è el er stà per l’emprima giada a la partenza dad ina cursa da la Ski Classics. Quai era tar La Diagonela l’onn 2018.

audio
Arnaud Du Pasquier e La Diagonela
ord Actualitad dals 21.01.2022.
laschar ir. Durada: 2 minutas 58 Secundas.

Scola, studi, sportist da professiun

Suenter ses temp en il Lyceum a Zuoz è Arnaud Du Pasquier stà a l’ester, lura èn ils Stadis Unids nua ch'el ha fatg il master da fisica e matematica a l’universitad da Colorado. Pir tard ha el propi mess sin la carta sportist da professiun cun focus cursas da distanza. Dapi in pèr onns è il sportist uss part dad ina equipa professiunala. Sco part da questa equipa participescha Arnaud Du Pasquier a la Ski Classics. Ina seria da cursas cun 16 differentas etappas. La Ski Classics è quasi la cuppa mundiala da las cursas da distanza.

Ski Classics, seria da pliras cursas classicas

Part a questa seria fan per exempel la «Marcialonga», il «Wasalauf» ed er il «Birkebeiner». Pervia da lur lunga tradiziun èn quai tut classichers da passlung. Dapi l’onn 2014 tutga er la Diagonela tar questas cursas. Las emprimas ediziuns eran adina 65 km lungas. Sin quest onn ha ins reducì la lunghezza per 10 km sin nov anc 55 km.

Ord l'archiv:

Pir cun 17 cumenzà Arnaud da trenar serius passlung. Memia tard per sport professiunal, han blers ditg. E tuttina: 10 onns pli tard cumenza el si’emprima stagiun professiunala.

video
Arnaud du Pasquier - i n'è mai memia tard
Or da Battaporta dals 14.05.2020.
laschar ir. Durada: 26 minutas 33 Secundas.

Artitgels legids il pli savens

Scrollar a sanestra Scrollar a dretga