Dario Cologna è sa blessà tar il trenament cun skis cun rodas a Tavau. El ha stratg il liom cruschà davos ed ha smatgà il meniscus, scriva Swiss Ski. Cura che l'Engiadinais po puspè trenar cumplainamain, dependia da ses process da curar. Sche tut va tenor plan, na saja il start da la stagiun betg periclità. Las emprimas cursas da la cuppa mundiala èn la fin da november a Kuusamo (SF).
Per Cologna munta quai ussa trenament alternativ cun schanegiar ils schanugls. Quai cun la stagiun vegnenta avant egl: En 5 emnas cumenzan las emprimas cursas da la cuppa mundiala. Suenter suondan mez december la cursa en patria a Tavau e la fin da l'onn il Tour de ski a Lai.