Siglir tar il cuntegn

Header

audio
Gieus olimpics: Diplom olimpic per staffetta passlung
Or da Actualitad dals 12.02.2022.
laschar ir. Durada: 2 minutas 20 Secundas.
cuntegn

Passlung Diplom olimpic per staffetta da dunnas

En la staffetta sur 4 giadas 5 kilometers vegnan las passlungistas svizras 7avlas e gudognan uschia in diplom olimpic. Gia al davos campiunadi mundial l'onn passà ad Oberstdorf sco era als ultims gieus olimpics a Pyeongchang il 2018 ha la staffetta svizra cuntanschì il 7avel plaz. Las curridras Laurien van der Graff, Nadine Fähndrich, Nadja Kälin ed Alina Meier perdan trais minutas sin il quartet da la Russia. Las novas campiunessas olimpicas han procurà per la differenza envers las Tudestgas sin la davosa runda da 2,5 kilometers.

audio
Discurs cun l'expert da passlung Adriano Iseppi
ord Actualitad dals 12.02.2022.
laschar ir. Durada: 4 minutas 24 Secundas.

Il podest

  1. Russia 53:41.0 minutas
  2. Germania +18.2 secundas
  3. Svezia +20.7 secundas

Las duas fermas curriduras svizras, Laurien van der Graaff e Nadine Fähndrich, èn partidas en il stil classic. Uschia han ellas er pudì nizzegiar la cursa sco emprova generala per il sprint da team ch'è mesemna proxima, medemamain en il stil classic. Nadja Kälin ed Alina Meier n'han silsuenter gì naginas difficultads da segirar il diplom olimpic.

video
Stepanowa gudogna per la Russia aur en la staffetta
Or da Beijing 2022 Clips dals 12.02.2022.
laschar ir. Durada: 1 minuta.

Per la gronda surpraisa han las Tudestgas procurà. Cun gudagnà argient han ellas battì tut las equipas scandinavas. Ina trumpada hai dà per las Norvegiasas, las defensuras dal titel. Malgrà ch'ellas han pudì profitar d'ina buna cursa da Therese Johaug hai la finala tanschì sulet per il plaz 5, anc davos las rivalas da la Svezia e da la Finlanda.

RTR novitads 10:00

Artitgels legids il pli savens

Scrollar a sanestra Scrollar a dretga