En il sprint era Nadine Fähndrich stada la sonda in zic stancla. 24 uras pli tard ha ella mussà ch'ella è sa revegnida bain a Lahri en Finlanda. Sur ils 10 kilometers stil classic ha ella fatg in 11avel plaz.
Pir duas giadas ha ella mussà ina meglra prestaziun. Numnadamain il 2019 sco segunda sur ils 10 km a Cogna ed il 2017 sco quarta sur ils 5 km en Val Müstair. Fähndrich ha pers 1:14 minutas sin la victura Therese Johaug che ha festivà sia 80avla victoria en la cuppa mundiala. Ella è sa messa tras fitg cnap, cun 1,2 secundas avantatg davant Natalia Neprjajewa che maina per il mument il classament da la cuppa mundiala.