Il Masters World Cup – u inuffizialmain er «il campiunadi mundial da passlung da seniors» ha il 2025 puspè lieu a Claustra. Questa occurrenza dura in’emna ed ha lieu il mars.
Il spezial vi da quella occurrenza è che las participantas ed ils participants na dastgan betg esser commember d'ina squadra naziunala u d'in auter team. Plinavant ston els esser sur 30 onns.
Cun il Masters World Cup 2025 vegnan spetgads radund 900 passlunghistas e passlunghists a Claustra.
L’istorgia da success cuntinuescha
Quai vegn ad esser la terza giada ch’il «Masters World Cup» ha lieu en Svizra: il 1999 a Grindelwald, il 2017 a Claustra ed ussa il 2025 danovamain a Claustra.