Patinadi artistic - Alexia Paganini vul far meglier ch’il 2018
Als davos gieus olimpics a Pyeongchang (2018) aveva Alexia Paganini cuntanschì il plaz 21. A Peking vul la sportista da 20 onns cun ragischs a Brusio mussar ina meglra prestaziun.
Alexia Paganini è naschida en ils Stadis Unids da l'America ed ha gia cumenzà cun dus onn a sautar sin il glatsch. Cunquai ch'il bab è oriund da Brusio en il Puschlav, parta Paganini dapi la stagiun 2017/2018 per la Svizra.
Ils davos tschintg onns ha ella festivà quatter titels da campiunessa svizra. Durant la stagiun 2020/2021 ha ella tranter auter trenà sut la batgetta dal dubel campiun mundial Stéphane Lambiel.
