Roger Federer na vegn betg a prender part al turnier dad ATP a Miami quest mais. El veglia far ina pausa suenter ils turniers a Doha e Dubai. Quai ha confermà ses management envers l’agentura da novitads americana AP.
Roger Federer vul dar ses comeback l’emna proxima a Doha e lura probablamain a Dubai. Suenter vul el anc ina giada far in bloc da trenament. L’ultima giada è el stà en acziun a l’Australian Open l’onn passà. Silsuenter è el vegnì operà duas giadas vi dal schanugl.
Ord l'archiv:
Federer scriva istorgia da tennis cun sia 20avla victoria da Grand Slam.