Siglir tar il cuntegn

Header

audio
Ils passlungists grischuns sa legran sin ils gieus olimpics, dentant pli pauc sin Peking.
Or da Actualitad dals 05.01.2022.
laschar ir. Durada: 4 minutas 9 Secundas.
cuntegn

Peking 2022 In mais avant è il plaschair limità

En in mais vegnan averts a Peking ils XXIV gieus olimpics d’enviern. Durant duas emnas vegn cumbattì en la citad principala da la China e regiun per medaglias olimpicas. A la partenza van era radund 180 atletas ed atlets svizzers.

Quest punct culminant da l’onn da sport 2022 ha dentant procurà ils davos onns per bleras lingias grassas. Che gieus olimpics vegnan realisads en ina regiun dispitaivla sco la China, principalmain quai che pertutga lur politica e la violaziun dals dretgs umans, frunta sin gronda critica. Ed er che gieus olimpics han lieu en in pajais, ina regiun che n’ha betg gronda relaziun cun il sport d’enviern, plascha be a paucs.

Gieus olimpics sut l’ensaina da corona

Plinavant stattan quests gieus olimpics sut l’ensaina da corona che pudess anc far in stritg tras il quint dals organisaturs e dal IOC, il comité olimpic internaziunal. Pervia da la pandemia na dastga er nagin da l’ester far il viadi a Peking durant quest temp. Fans ed aspectaturs sin las tribunas vegni a dar be entras indigens. Pussaivel è er che las tribunas restan vidas. E tut las controllas e reglas pertutgant corona vegnan ad esser fitg strictas durant quest temp.

Dario Cologna
Legenda: Per Dario Cologna vegni ad esser ils quarts e davos gieus olimpics da la carriera. Keystone

Ils passlunghists grischuns sa legran bain sin ils gieus olimpics, dentant damain sin Peking e la China. Per Dario Cologna, per Laurien van der Graaff ed eventual er per Jonas Baumann vegni ad esser ils davos da la carriera. Auters, sco Jason Rüesch u Alina Meier, omadus da Tavau, èn sin buna via da dastgar ir per l’emprima giada a la partenza a gieus olimpics. Per els vegni uschè u uschia ad esser il punct culminant da la carriera, avess quest siemi dad ir en vigur.

Be sportists e schurnalists

audio
Gieus olimpics Peking 2022: tge cundiziuns spetgan ils reporters?
ord Actualitad dals 05.01.2022.
laschar ir. Durada: 6 minutas 5 Secundas.

Sper ils sportists dastgan quella giada sulet anc ils schurnalists far il viadi a Peking per rapportar al lieu da las occurrenzas. Ma er sin ils schurnalists spetga in stentusa via per arrivar en China. Ed er per els vala reglas strictas durant quest temp dals gieus olimpics quai che pertutga il Coronavirus. I spetga mintga di in test da corona, purtar dapertut mascrina ed adina tegnair la distanza da dus meters.

RTR actualitad 07:00

Artitgels legids il pli savens

Scrollar a sanestra Scrollar a dretga