En connex cun ils gieus olimpics a Peking dettia malsegirezzas, ha scrit l'EDA en ina communicaziun. I saja da spetgar che la China na lubeschia nagin public ester e che las pussaivladads da sa mover vegnian restenschidas, per cumbatter la pandemia.
Gia als gieus olimpics da stad n'hai dà nagin «House of Switzerland». Quella vegn normalmain organisada da l'organisaziun Präsenz Schweiz, cun la finamira da promover uschia l'economia, la perscrutaziun ed il turissem svizzer en il mund. Er las medaglias d'atletas ed atlets svizzers vegnan normalmain festagiadas en la chasa.
Entras il stop dal project, sa sbassian ils custs dal project da 4,7 sin 1,3 milliuns francs. Ils gieus olimpics e paralimpics han lieu dals 4 da favrer enfin ils 13 da mars.