Siglir tar il cuntegn

Header

cuntegn

Per 5 milliardas francs Boehly e Wyss cumpran FC Chelsea

Il FC Chelsea stat curt avant la surpigliada entras in consorzi che vegn manà dal investider american Todd Boehly ed er il Svizzer Hansjörg Wyss è participà.

L’FC Chelsea pudess bainprest esser – almain per part – en mauns svizzers. Ins saja sa cunvegnì cun in consorzi svizzer-american a las cundiziuns per ina vendita. Part da quest consorzi, fa er il milliardari svizzer Hansjörg Wyss. Quai ha communitgà il club da la Premier League.

Tenor quai paja il consorzi passa 5 milliardas francs per il club englais. Quests daners duajan vegnir duvrads per projects caritativs. La transacziun duai esser terminada la fin dal mais. L’emprim ston dentant anc la Premier League e la regenza a Londra dar lur consentiment a la fatschenta.

RTR novitads 12:00

Artitgels legids il pli savens