Siglir tar il cuntegn

Header

cuntegn

Per immediat Juliana Suter terminescha carriera da skis

Juliana Suter ha avunda dal sport da skis, La skiunza da 25 onns annunzia surprendentamain sia demissiun immediata be dus dis suenter sia partenza en il super-g da la cuppa mundiala a Val d'Isère.

«Quai èsi stà! Jau ma retir sco sportista da professiun dal sport da skis. Jau sun loscha da quai ch’jau hai cuntanschì e ma legrel sin l’avegnir», scriva la campiunessa mundiala da juniors da la cursa rapida dal 2019 sin Instagram.

Juliana Suter, ch’era vegnida franada il 2021 entras ina ruptura dal liom cruschà, è vegnida duas giadas en ils top 15 en la cuppa mundiala. Il december 2022 è ella vegnida 14avla en la cursa rapida da Lake Louise. Il schaner 2023 ha ella egalisà en il super-g da St. Anton ses meglier resultat da la carriera.

Anc dumengia passada è l'atleta da cader B da Swiss-Ski partida a Val d'Isère en il super-g ed ha gudagnà sco 26avla schizunt anc puncts da la cuppa mundiala.

RTR novitads 20:00

Artitgels legids il pli savens