I è stà ina dumengia d'emblidar per il club da hockey da Tavau. Gia suenter l'emprim terz manava Berna cun 2:0. Suenter 40 minutas eri gia 5:0. Il sulet gol per ils Grischuns ha Aaron Palushaj sajettà en la 48avla minuta.
I è stà il terz duel in cunter l'auter. Per la segunda giada ha Berna battì il HCD.
Damaun vegnì a las 19:45 tar il proxim gieu tranter las duas equipas. Puspè a Berna.
Spezial gieu per Raffainer
Avant paucas emnas avevan ils dus clubs communitgà che il schef da sport dal HCD, Raeto Raffainer mida tar il SC Berna. L'Engiadinais è dapi cumenzament favrer «Chief Sport Officer». Cunquai è el tar il SCB il responsabel per il schef da sport.
Raffainer ha uschia festivà ina bella victoria cunter ses anteriur club.
Las ulteriuras partidas:
- Ambrì – Losonna 2:3 suenter prolungaziun
- Fribourg-Gottéron – Bienna 2:4
- SCL Tigers – Zug 2:4
- Lugano – Lakers 2:4