Il FC Basilea sa qualifitgescha per la fasa da gruppa da la Conference League, malgrà ch'il club svizzer ha mussà ina prestaziun inferiura. Suenter la victoria da 3:1 en l'emprim gieu, ha il FCB pers cun il medem resultat tar il club svedais Hammarby, suenter il temp regular e la prolungaziun. Uschia ha il sajettar penaltis gì da decider, e là han ils da Basilea gì meglras gnarvas e gudagnà cun 4:3.
Il venderdi da mezdi vegn enconuschent, cun tge clubs ch'il FC Basilea ha da sa mesirar en la fasa da gruppa da la Conference League.
