Cristiano Ronaldo banduna per immediat Manchester United e returna enavos tar Manchester United. Quai ha communitgà United il venderdi saira via Twitter. Il transfer saja realisà, ins stoppia sulettamain anc sclerir ils ultims detagls. Tenor differents rapports da medias pajan ils Englais radund 2 milliuns euros per il Portugais da 36 onns.
Il 2018 aveva Ronaldo midà davent da Real Madrid tar Juventus Turin. Ils Talians avevan da lez temp pajà passa 100 milliuns francs per Ronaldo, quai en la speranza ch'il Portugais porta la Champions League al club da Turin. Quai n'è dentant er betg reussì a Ronaldo – enstagl ha Juventus schizunt manchentà l'onn passà per l'emprima giada dapi 9 titels en seria il scudetto.