Gia l'emprim gieu cunter la naziunala franzosa, planisà per il venderdi saira era vegnì stritgà. Ed il mardi avevan cas da corona tar la naziunala taliana impedì in ulteriur gieu da test. En vista al svilup da la situaziun ha la squadra Svizra decis da terminar il champ da trenament a Cham.
Ils dus sulets gieus da test che la naziunala svizra a pudì dar fin uss, la davosa fin d'emna cunter la Russia avevan ils Svizzers gudagnà. Proxima gievgia vegn la Svizra alura a far il viadi a Riga per il campiunadi mundial – ils 14 e 15 da matg spetgan alura dus gieus da test cunter la Lettonia, il pajais ospitant.
