Siglir tar il cuntegn

Header

audio
Previstas 2022: Quests highlights sportivs spetgan
Or da Actualitad dals 04.01.2022.
laschar ir. Durada: 3 minutas 26 Secundas.
cuntegn

Prevista 2022 Dus puncts culminants dispitaivels

Cler, i dat occurrenzas da sport annualas che mintga fan da sport marchescha grond e gross en il chalender. Cursas da skis sco la rapida dal Lauberhorn u la Streif, turniers da Grand Slam da tennis u il campiunadi mundial da hockey. Onn per onn punct culminants.

Il 2022 èsi dentant cler che duas occurrenzas vegnan a procurar per las bleras lingias grassas.

  • Ils gieus olimpics a Peking dals 4 fin 20 da favrer. Bler è vegnì tschantschà davart quest'occurrenza. Ils dretgs umans e la China èn vegnids mess en dumonda. Perfin d'in boicot dals gieus olimpics èsi vegnì discutà. Ma, ils gieus han lieu e las atletas ed atlets svizzers stattan avant ina gronda sfida. Avant quatter onns hai dà 15 medaglias, uschè bleras sco l'ultima giada il 1988. Vegnan Feuz, Cologna, Ragettli, Gantenbein e collegas da procurar per festas svizras a Peking?
  • La segunda occurrenza dispitaivla ha lieu dals 21 da november fin 18 da december. Il campiunadi mundial da ballape en il Katar. Millis persunas èn mortas durant bajegiar ils stadions ils ultims onns, ils dretgs umans èn in grond problem en il pajais cun mo 2,7 milliuns abitants. La critica è gronda da tuttas varts, ma il turnier ha lieu. Da la partida vegn era la Svizra ed esser. Ed il 2021 ha mussà che tut è pussaivel tar la naziunala svizra.

RTR actualitad 07:00

Artitgels legids il pli savens