Siglir tar il cuntegn

Header

Legenda: La sandad fraina vinavant Armon Orlik. Keystone
cuntegn

Problems cun il dies Armon Orlik manca a Kilchberg

Il lutgader da Maiavilla Armon Orlik sto desister da la festa da lutga a Kilchberg sonda proxima, ils 25 da settember. La raschun sajan problems cun il dies sco quai ch‘el ha communitgà sin sia pagina d‘internet. Pervia dals medems problems da sanadad aveva il meglier lutgader grischun da 26 onns gia stuì desister da la festa da la Svizra dal Nordost avant duas emnas a Mels.

Dasper Armon Orlik mancan tranter auter er Christian Stucki e Pirmin Reichmuth, dus ulteriurs cunfavurits a la festa da Kilchberg, il punct culminant da la stagiun da lutga 2021. A questa festa che ha lieu be mintga sis onns fan part sulet ils 60 megliers lutgaders da la Svizra.

Ord l'archiv

audio
Lutga: Dapi 20 mais naginas festas pli - discurs cun Armon Orlik
03:58 min, Actualitad dals 29.04.2021.
laschar ir. Durada: 03:58 minutas.

RTR novitads 21:00

Artitgels legids il pli savens

Scrollar a sanestra Scrollar a dretga