Legenda:
Diplom olimpic per Sina Candrian
suenter crudada en il final è ella vegnida 7avla.
Keystone
cuntegn
Pyeongchang 2018 - Diplom olimpic per Sina Candrian
La snowboardista grischuna Sina Candrian ha stuì sutterrar il siemi d'ina medaglia en il slopestyle als gieus olimpics. L'atleta da Flem è crudada en il final ed è la finala vegnida 7avla. Elena Könz da Vnà è vegnida 10avla e manchenta uschia be per pauc il diplom olimpic.
Sina Candrian ha gì in bun emprim run cun 66,35 puncts ed era uschia sin plaz 4. En il final è ella tar ins dals davos sigls dentant crudada. La snowboardista grischuna è la finala vegnida 7avla, e vegn remunerada cun in diplom olimpic.
La medema sort sco Candrian ha er Isabel Derungs gì. Er ella è crudada en il segund run ed è sa classada sco 18avla. Betg persvadì ha era Carla Somaini, ella è vegnida 20avla.
