Van der Graaff aveva persvadì en il sprint dal quartfinal ed era vegnida segunda. Quai cun in retard da 37 tschientavels. En il mezfinal èsi però stà a fin. Là n'ha la curridra grischuna betg pudì tegnair cun la concurrenza ed è daventada 5avla cun in retard da 5,53. En il classament final hai lura anc tanschì per il 10avel plaz.
Fähndrich e Hediger betg en il mezfinal
Nadine Fähndrich n'è betg sa qualifitgada per il mezfinal. La Lucernaisa ch'è per la segunda giada a gieus olimpics è daventada 20avla en la rangaziun finala.
Tar ils umens è il sulet Svizzer, Jovian Hediger, crudà ora en il quartfinal. El è currì cun in retard da 5,8 secundas sin plazza quatter. En la rangaziun finala è el sin plaz 19. Ils ulteriurs dus Svizzers Ueli Schnider ed Erwan Käser èn betg reussì la qualificaziun.
Aur per la Svezia e la Norvegia
Victura olimpica en il sprint classic da las dunnas è la Svedaisa Stina Nilsson avant la Norvegiaisa Maiken Caspersen. La medaglia d'aur dals umens va al Norvegiais Johannes Høsflot Klæbo, cun 21 onns è el il pli giuven victur olimpic en passlung.
RR actualitad 12:00