Siglir tar il cuntegn

Header

video
Fassnacht macht den Sack zu
Or da Sport-Clip dals 09.10.2021.
laschar ir
cuntegn

Quali campiunadi mundial Svizra batta l'Irlanda dal Nord

Ils Svizzers gudognan meritadamain, ma memia stretg.

Suenter dus remis senza gols, po la Svizra nudar sia emprima victoria meritada en la qualificaziun. A Genevra è la naziunala svizra sa messa tras cunter l'Irlanda dal Nord e quai cun 2:0.

En la 91avla minuta han ils Svizzers anc pudì segirar la victoria cun il segund gol da Christian Fassnacht. Quai suenter l'emprim gol a la fin da l'emprima mesadad, che Steven Zuber avva fatg. Omadus gols aveva preparà Breel Embolo.

Dapi la minuta 37 han ils Svizzers dà cun in um dapli sin la plazza, suenter che Jamal Lewis aveva incassà la segunda carta melna per avair retardà il gieu.

Bleras schanzas – paucs gols

La victoria dals Svizzers avess dentant stuì esser pli clera. A chasa a Genevra èn els stads sin il plaz davant radund 20'000 aspectaturas ed aspectaturs. Suenter la pausa han els giugà ferm, dentant han els pudì realisar be dus gols, malgrà numeruas schanzas.

La proxima partida dattan ils Svizzers mardi saira a Vilnius, encunter Lituania. Cun in'ulteriura victoria fiss la naziunala sin plazza 2 da la gruppa e pudess sminuir la distanza tar il leader, l'Italia.

Il proxim gieu

Mardi dat la Svizra cunter la Lituania. Murat Yakin prenda cun el Fabian Frei ch'aveva mancà pervia d'in scumond da giugar. Persuenter manca Denis Zakaria pervia din scumond da giugar suenter ina carta melna cunter l'Irlanda dal nord. Manuel Akanji e Kevin Mbabu èn sa blessads.

RTR novitads 23:00

Artitgels legids il pli savens

Scrollar a sanestra Scrollar a dretga