Siglir tar il cuntegn

Header

video
Ina buna sort per la quadra naziunala svizra.
Or da Sport-Clip dals 09.10.2022.
laschar ir. Durada: 1 minuta 38 Secundas.
cuntegn

Qualificaziun Euro 2024 Buna sort per la Svizra

La squadra naziunala svizra da ballape frunta en la qualificaziun per l'EURO 2024 en Germania sin l'Israel, la Rumenia, il Cosovo, il Belarus e l'Andorra. Quai ha decis la sort a Frankfurt. Las emprimas partidas han lieu dals 23 enfin 25 da mars 2023 e las ultimas dals 19 enfin ils 21 da november 2023. Ils victurs ed ils segunds da las diesch gruppas sa qualifitgeschan mintgamai a moda directa per la runda finala. Quella ha lieu dals 14 da zercladur enfin ils 14 da fanadur 2024. Trais ulteriuras equipas sa qualifitgeschan anc en ils playoffs il mars 2024, per ils quals las squadras pon sa qualifitgar via la Nations League.

Tut las gruppas

  • Gruppa A: Spagna, Scozia, Norvegia, Georgia, Cipra
  • Gruppa B: Pajais Bass, Frantscha, Irlanda, Grezia, Gibraltar
  • Gruppa C: Italia, Engalterra, Ucraina, Macedonia dal Nord, Malta
  • Gruppa D: Croazia, Valisa, Armenia, Tirchia, Lettonia
  • Gruppa E: Pologna, Tschechia, Albania, Inslas Feroe, Moldavia
  • Gruppa F: Belgia, Austria, Svezia, Aserbaidschan, Estonia
  • Gruppa G: Ungaria, Serbia, Montenegro, Bulgaria, Lituania
  • Gruppa H: Danemarc, Finlanda, Slovenia, Kasachstan, Irlanda dal nord, San Marino
  • Gruppa I: Svizra, Israel, Rumenia, Cosovo, Belarus, Andorra
  • Gruppa J: Portugal, Bosnia-Erzegovina, Islanda, Luxemburg, Slovachia, Liechtenstein

RTR novitads 14:00

Artitgels legids il pli savens