La Svizra ha manchentà la schanza da sa qualifitgar anticipadamain per l’EURO 2024 en la Germania. L’equipa naziunala svizra ha fatg ordaifer in pari dad 1:1 cunter l’Israel.
Il gol per la Svizra ha fatg Ruben Vargas en l’emprima mesadad da la partida, en la 36avla minuta. L'Israel ha lura egalisà al 1:1 en la 89avla minuta. Il gol ha fatg Shon Weissman.
La proxima schanza da sa qualifitgar per l'EURO 2024 ha la Svizra sonda proxima, lura dat ella a chasa cunter il Cosovo quai en il stadion a Basilea. Tar ina victoria è la squadra naziunala qualifitgada, uschiglio datti anc ina davosa schanza, trais dis pli tard en la Rumenia.