Mo per pauc ha la Naziunala svizra da ballape pudì evitar ina terrada en il gieu da qualificaziun per il campiunadi europeic cunter il Belarus. A Son Gagl hai duvrà dus gols en las davosas minutas per far in pari 3:3. Il chapitani Granit Xhaka envers SRF davart il manco dals Svizzers da profitar dal 1:0 suenter l'emprima mesadad:
Damai che la Rumenia ha gudagnà cunter l'Andorra n'è la Svizra betg pli davant en la tabella. Il november han ils Svizzers anc trais gieus da qualificaziun per l'Euro 2024 – cunter l'Israel, il Cosovo e la Rumenia.
Trais teams han segirà la qualificaziun
La Spagna è segir a l'Euro 2024. Ils Spagnols han gudagnà cun 1:0 cunter la Norvegia. Tras la terrada norvegiaisa è era la Scozia qualifitgada per il campiunadi europeic. Medemamain tut cler ha fatg la Tirchia cun ina victoria da 4:0 cunter la Lettonia.