Suenter 45 minutas era la Svizra gia cun 3:0 en avantatg. E quai era grazia a Renato Steffen, che ha procurà per in vaira hattrick. En la segunda mesadad han Granit Xhaka e Zeki Amdouni sajettà dus ulteriurs gols, al resultat final da 5:0.
Vitiers èn trais sajets svizzers rebattids da la latta respectiv da la pitga. Avant il gol da Yann Sommer hai sulet ina giada gist a l'entschatta dal gieu dà ina situaziun privlusa, cura che l'attatgader belaruss Wladimir Chwaschtschinskij ha tutgà la latta.
Gia en trais dis suonda il proxim gieu da la qualificaziun per l'Euro 2024. A Genevra frunta la Svizra sin l'Israel, il gieu cumenza a las 20.45.
