Bain èsi stà in gieu unilateral, sco spetgà, dentant han las Svizras durant 82 minutas betg nizzegià bain lur schanzas.
Sigl final furius
En las ultimas minutas dal gieu è il nuv tar las Svizras s'avert. Sandrine Mauron che ha remplazzà Sandy Maendly ha lantschà il sajet da Bachmann. Lezza è vegnida da sa metter tras ed ha sajettà il terz gol. Er per il 4:0 ha Mauron fatg la preparaziun, e Rinast ha realisà il gol en minuta 88.
Per il giast èsi lura vegnì anc mender: Suenter in ch'ella ha dà in hands ha Antonia Dulcic vesì mellen e cotschen. Il penalti ha Bachmann lura nizzegià durant il temp supplementar ed ha sajettà ses segund gol al 5:0.