Charles Leclerc è stà il svelt en il qualifying per il Grond Premi da l’Austria. Il pilot da Ferrari cumenza damaun la cursa avant Max Verstappen da Red Bull. En la segunda retscha partan damaun Valtteri Bottas da Mercedes avant Lando Norris da McLaren.
Pervia in manever da Hamilton, nua ch'il Brit ha impedì Kimi Räikönnen, croda Hamilton davent da plazza dus enavos sin plazza tschintg.
Al collega da team da Leclerc, Sebastian Vettel è il qualifying betg gartegià. Pervia dad in defect vid ses auto n’ha Vettel betg pudì partir a l’ultima runda da qualificaziun e parta damaun davent da plazza 10.
Ils dus pilots dad Alfa Romeo, Kimi Räikönen ed Antonio Giovinazzi èn vegnids 7 e 8avel.
