Siglir tar il cuntegn

Header

Petra Klingler als gieus olimpics a Tokyo.
Legenda: Petra Klingler als gieus olimpics a Tokyo. Keystone
cuntegn

Raiver Klingler manchenta final olimpic

L'emprim final olimpic dal raiver ha lieu senza Svizras. Klingler manchenta il final cleramain.

Per Petra Klingler è sia premiera olimpica en il raiver a fin suenter la qualificaziun. Ella ha cumenzà bain il di da qualificaziun e mussà ina ferma prestaziun. Cun 8,42 secundas vi da la paraid da 15 meters ha ella perfin battì ses agen record svizzer en il speed. Cun quai è la Turitgaisa suenter l'emprima da trais disciplinas sa rangada sin il 10avel plaz.

Suenter ch'ella aveva realisà in nov record Svizer, n'èsi betg pli gartegià sco giavischà. Tar la disciplina dal bouldrar ha ella cumenzà bain, ma è suenter dada ensemen e na saveva betg pli far vinavant.

Tar la terza e davosa disciplina, il raiver da lead, ha ella pudì raiver enfin il 16avel tegn, nua ch'ella è silsuenter crudada en la suga.

La fin hai tanschì per la Svizra per il 16avel plaz. Per pudair ir en il final avessi duvrà in plaz en ils top otg. Tut en tut èn 20 revidras stadas a la partenza.

video
Raividra Klingler na reussescha betg ed è dischillusiunada
Or da Tokyo 2020 Clips dals 04.08.2021.
laschar ir

RTR novitads 18:00

Artitgels legids il pli savens

Scrollar a sanestra Scrollar a dretga