Siglir tar il cuntegn

Header

video
20avel Bike maraton Parc Naziunal
Or da Telesguard dals 26.08.2021.
laschar ir
cuntegn

20avel Bike-Maraton A l’entschatta era tut nov

La premiera dal Bike-Maraton dal Parc Naziunal l’onn 2002 è stada in'aventura tut speziala. Anc mai avev’ins fatg insatge sumegliant, ed anc mai n'avevan ins fatg ina cursa da mountainbike sin las vias champestras e las sendas enturn il Parc Naziunal.

Avant 20 onns ha il sport da mountainbike pir plaun, plaunet cumenzà a prender schlantsch en nossas regiuns. Lura anc cun numerusas discussiun cun glieud che chaminava sin las sendas, ch’aveva uss tuttenina da parter lur sendas cun ils bikers. Uschia n’era er betg la partenza dal Bike-Maraton enturn il Parc Naziunal insatge simpel. Tranter auter er cunquai ch’ins n’aveva nagina experientscha en Engiadina Bassa u en Val Müstair co ina tala cursa pudess funcziunar.

Cumenzament cun definir ils trajects

Uschia han ils organisaturs analisà sco emprim ils differents trajects. Sin il velo u per part er a pe èn els chaminads las differentas variantas ed han uschia definì ils trajects. Spert han ins era stuì studegiar co ins pudess metter ad ir ina rait da contact sin tut ils trajects. La capacitad dals funcs da quella giada n’era anc betg quai ch’ella è oz. Uschia ha quai dà ina chadaina da funcs sin tut il traject per garantir in rudè che collia il pli davos punct da la cursa cun la centrala a Scuol. Era l’alimentaziun ed ils posts da reparatura han ins stuì definir per lung dals differents trajects. Uschia che la cursa ha pudì partir per l’emprima giada.

audio
Arno Neuhäusle, l'emprim schef dal Bike-Maraton
04:30 min, Actualitad dals 26.08.2021.
laschar ir. Durada: 04:30 minutas.

Premiera gartegiada e svilup fitg spert

Suenter l’emprima ediziun è il resun stà dal tuttafatg positiv. Ils organisaturs han gest sentì che questa cursa è stada in success e che questa cursa ha grond potenzial. Uschia han ins fatg il proxim pass, ins è vegni adina pli grond e pli professiunal. Ed or da l’idea da porscher ina cursa en la stupenta cuntrada dal Parc Naziunal èsi vegni la cursa sco ch’ella sa preschenta oz. Ina da las pli grondas e popularas cursas da mountainbike da l’entira Svizra.

RTR actualitad 11:00

Artitgels legids il pli savens

Scrollar a sanestra Scrollar a dretga