Siglir tar il cuntegn

Header

video
Ediziun da success al Bike-Maraton
Or da Actualitad video dals 29.08.2021.
laschar ir
cuntegn

20avel Bike-Maraton Ediziun da giubileum gartegiada

Il 20avel Bike-Maraton dal Parc Naziunal è stà in success. Pervia da la pandemia da corona han mo 1’500 atletas ed atlets pudì esser da la partida. Quels han pudì giudair in di plain emoziuns.

Gia per la 20avla giada ha giu lieu il Bike-Maraton dal Parc Naziunal. E l’ediziun da giubileum è grategiada. Ord vista sportiva ha Urs Huber dal chantun Argovia scrit la pli bella istorgia. Huber ha gia gudagnà la cursa per la tschintgavla giada. Totalmain è el stà per la deschdotgavla giada sin il podest da la cursa enturn il Parc Naziunal, quai è record. Er era ord vista indigena ha quai dà in success. Tinetta Strimer, sezza era commembra dal comité d’organisaziun dal Bike-Maraton, ha gudagnà da moda suverana la cursa sur 107 kilometers.

audio
Bike maraton: Co ha l'ediziun da giubileum funcziunà?
03:21 min, Actualitad dals 28.08.2021.
laschar ir. Durada: 03:21 minutas.

Bilantscha positiva organisatorica

La gronda sfida da l’ediziun da quest onn e stada quella, dad organisar ina cursa degna al giubileum da dus decennis e tuttina resguardar las mesiras da segirezza en connex cun la pandemia da corona. Tenor il president dal comité d’organisaziun dal Bike-Maraton Claudio Duschletta è quai gartegià. Il pli gugent avessan ins organisà ina gronda festa da giubileum. Pervia da corona n'è quai sa chapescha betg stà pussaivel, perquai han ins empruvà da far in maun plain pitschnas festas, tuttas sut l’ensaina dal giubileum.

Mo in accident sin il traject

Tranter Bos-cha ed Ardez ha quai dà in accident nua ch'in atlet è cupitgà ed è sa blessà vid la chavazza. En l’emprim mument guardava quai ora grev, perquai han ins clamà l’helicopter. Cun quel è il curridur vegni sgulà en l’ospital da Cuira. Suenter la controlla tar ils medis han ins dentant pudì communitgar che las blessuras n'èn betg grevas. Il curridur po bainprest puspè bandunar l’ospital.

RTR actualitad 17:00

Artitgels legids il pli savens

Scrollar a sanestra Scrollar a dretga