25 onns Bike Maraton Lumnezia

Dumengia, ils 2 d’avust 2015, festivescha la cursa da mountainbike en la Val Lumnezia in giubileum.

Tut en tut quintan ils organisaturs cun fin a 300 participants. Bild in Lightbox öffnen.

Legenda da maletgs: Tut en tut quintan ils organisaturs cun fin a 300 participants. nordlichtphoto.com

Il maraton da mountainbike maina quest onn sur 40 kilometers e bun 1'700 meters differenza d'autezza da Lumbrein sur l'Alp Nova a Sursaissa, lura enturn il Piz Mundaun enavos a Lumbrein.

Pli curt e dapli trails

Tenor Ignaz Arpagaus, il responsabel da la ruta, saja tut pront per quella ediziun da giubileum e la ruta sa presenti en in bun stadi. Sin quest onn è dentant er vegnì fatg intginas midadas vid la ruta. Da nov è la cursa sulet 40 kilometers, 4 kilometers pli pauc ch’ils davos onns. Ils organisaturs han oravant tut stritgà 4 kilometers sin vias spertas, vias asfaltadas. Perencunter maina la cursa ussa sin dapli trails.

Partenza per il Bike Maraton Lumnezia è dumengia avantmezdi a las 9:00 uras. Ils emprims vegnan spetgads en l’arrivada suenter strusch duas uras, vul dir curt avant las 11:00 uras. Il suentermezdi vegn organisà en il vitg da Lumbrein pliras cursas d’uffants.