-
Bild 1 von 6. Sco giuvenot aveva Elena Romanovoa trenà Oscar Peter. Bildquelle: RTR, Linus Livers .
-
Bild 2 von 6. Oscar Peter declera a Carla Scherrer ils proxims pass. Bildquelle: RTR, Linus Livers .
-
Bild 3 von 6. Oscar Peter durant il trenament adina attent. Bildquelle: RTR, Linus Livers .
-
Bild 4 von 6. Oscar Peter ha fatg il pass sco atlet activ tar il trenader. Bildquelle: RTR, Linus Livers .
-
Bild 5 von 6. La trenadra entamez ils scolars. Bildquelle: RTR, Linus Livers .
-
Bild 6 von 6. Mussar e trenar è la devisa per las sportistas. Bildquelle: RTR, Linus Livers .
Gia dapi 26 onns ha lieu a Flem l'uschenumnà «Super Summer Camp». L'onn 2003 è Oscar Peter sta l'emprima giada a quest camp. Sco el sa regorda è quai stà in onn decisiv per sia carriera. Pervia d'ina blessura ha el numnadamain stuì midar disciplina davent da patinar artistic sin la sparta sautar sin il glatsch.
Viver da patinar sin glatsch
Dapi ch'el ha 17 onns n'ha el mai fatg insatge auter che patinar en ina moda u l'autra. L'emprim sco atlet e dapi dus onns lavura Oscar Peter sco trenader.
Al Super Summer Camp ha el er entupà puspè sia anteriura trenadra Elena Romanova. Lezza da sia vart è trenadra dals patinaders da Flem ed a Feldkirch en Austria.
Trenaders internaziunals
Oscar Peter è vegnì a Flem cun duas atletas da la Gronda Britannia e da Shanghai. Mo durant ils dis a Flem trenescha el differents scolars e scolaras. Perquai ch'ils trenaders internaziunals en quests dis a Flem è quest eveniment fitg interessants per giuvenils. Els vegnan uschia en contact cun la scena internaziunala. Quest onn èn passa 16 naziuns cun atlets ed atletas a Flem.
RR Sportissimo 17:00