Trun/Rabius dat oda maun la victoria
Il CB Trun/Rabius ha giugà pari 2:2 en la davosa runda d’atun en la 3. liga da ballape a chasa encunter Tusaun-Cazas. Ils Sursilvans manavan da pausa cun 2:0 e vevan il gieu sut controlla. Suenter pausa ha il vent midà direcziun e Tusaun-Cazas è vegnì d’egualisar il gieu e procurà per gronda tensiun durant las davosas minutas, quai tar plievgia intensiva a Trun. Il CB Trun/Rabius terminescha uschia la runda d’atun sin il 7avel plaz da la tabella cun 17 puncts ord 11 gieus.
Il CB Surses va senza puncts ord la davosa partida
Il CB Surses perda la davosa partida da la runda d’atun, encunter Valposchiavo Calcio cun 1:3. Uschia terminescha l’equipa surmirana l’emprima mesadad dal campiunadi en terza liga – sin plazza diesch da la tabella. Per il CB Surses è quai l’emprima stagiun en terza liga.
3. liga regiunala
La runda da primavaira cumenza lura la fin mars. L’emprim adversari da Trun/Rabius è lura gist puspè l’equipa da Tusaun-Cazas. Per il CB Surses cuntinuescha il campiunadi la fin da mars – cun la represa encunter Valposchiavo Calcio.