31avel Maraton da la Surselva - Danuser batta Livers en in sprint final

1 / 6

2 / 6

3 / 6

4 / 6

5 / 6

6 / 6

Bunamain 300 curridras e curriders èn stads a la partenza dal 31avel Maraton da la Surselva a Sedrun. La gronda part ha fatg part a la cursa roiala sur 25 kilometers. Triumfà ha per l'emprima giada Dajan Danuser da Bogn Ragaz. El ha duvrà per las duas rundas à 12,5 kilometers exact 58 minutas.

audio

Saira: Surselva Maraton – Rapport da la cursa 2020

03:11 min, ord Sportissimo dals 26.01.2020.

laschar ir. Durada: 3 minutas 11 Secundas.

Dajan Danuser ha battì en il sprint final ses davos concurrent, il matadur local Toni Livers. Danuser ha uschia impedì che Toni Livers gudogna per la tschintgavla giada il maraton en Surselva. Cumplettà il podest sco terz ha il frar dal victur Dajan Danuser, Marius Danuser ch'ha sin ils davos meters pudì distanziar l'indigen Cla-Ursin Nufer da Rueras.

audio

Saira: Surselva maraton – Toni Livers suenter ses segund plaz

01:58 min, ord Sportissimo dals 26.01.2020.

laschar ir. Durada: 1 minuta 58 Secundas.

Tar las dunnas ha Lydia Hiernickel da la Glaruna gudagnà, quai suveran avant Anja Weber da Hinwil e Sandra Wagenführ da Tavau.

«In'occurenza tras e tras cuntentaivla»

Il president dal comité d'organisaziun Giudo Friberg sa mussa fitg cuntent cun la fin d'emna sportiva a Sedrun. Surtut haja el plaschair ch'il dumber da participants saja creschì cumpareglià cun las davosas ediziuns.

audio

Saira: Surselva maraton – President dal OK Guido Friberg

03:29 min, ord Sportissimo dals 26.01.2020.

laschar ir. Durada: 3 minutas 29 Secundas.

audio

Co è la cursa stada per ils participants?

02:33 min, ord Sportissimo dals 27.01.2020.

laschar ir. Durada: 2 minutas 33 Secundas.

RTR Sportissimo 17:00